Owen Hargreaves ka këshilluar Manchester City-n që të blejë sulmuesin e Inter-it, Lautaro Martinez.
Qytetarët janë në kërkim të një zëvendësuesi për Sergio Aguero-n, i cili pritet të largohet verën e ardhshme pas skadencës së kontratës.
Dhe Hargreaves mendon se Lautaro, për të cilin interesohet prej kohësh edhe Barcelona, do të përshtatej shumë mirë në Eithad.
“E di se Manchester City po kërkon një zëvendësues për Aguero-n, Martinez është lojtari i duhur “, ka thënë ish-mesfushori i Manchester United dhe Bayern Munich.
“Ai ka gjithçka. Është teknik dhe një finalizues shumë i mirë. Është vetëm 22 vjeç dhe ka gjithçka”.
“Ai është një lojtar me të vërtetë special”.
