E ardhmja e Lionel Messit është ende e paqartë. Në mediat spanjolle, por jo vetëm, flitet për një largim të sulmuesit argjentinas nga skuadra e Barcelonës.
Gjë të cilën e konfirmoi edhe trajneri i ri i katalanasve, Ronald Koeman, i cili gjatë prezantimit u shpreh se do flasë me Messin për të ardhmen e tij.
Dhe sipas informacioneve të medias argjentinase, “Tyc Sports”, ky takim pritet të ndodhë më shpejt nga sa ishte menduar, pasi Messi ka ndërprerë papritmas pushimet dhe është nisur drejt Barcelonës për të biseduar me teknikun holandez.
Dhe padyshim që tema për të cilën ata do të diskutojnë është e ardhmja e 33 vjeçarit.
