Sipas Ksavit, Kevin De Bryjne është mesfushori më i mirë në botë dhe është në një nivel tjetër. 29-vjeçari belg e ka treguar veten si një ndër mesfushorët më të mirë, ku sezonin e kaluar regjistroi 20 asiste brenda një sezoni.
Në një intervistë për “Qatar Airways”, ish-lojtari i Barcelonës dhe tashmë trajneri i Al Sad u shpreh: “Lojtari i Mançester Sitit, Kevin De Bryjne më duket një nivel tjetër. Ai është i aftë të bëjë diferencën. Ai është mesfushori më i mirë në botë dhe është i ri”.
Më pas Ksavi zgjodhi edhe mbrojtësin më të mirë. “Unë do zgjidhja Virxhil Van Dijk, për shkak të lidershipit, forcës fizike dhe teknikës”, përfundoi Ksavi.