Pavarësisht pandemisë së koronavirusit dhe shifrave alarmante të personave të infektuar çdo ditë, tifozët e Teutës kanë pushtuar rrugët e Durrësit për të gëzuar suksesin e fitores së Kupës së Shqipërisë.
Megjithë situatën e vështirë të krijuar në vendin tonë, mungesa prej 15 vitesh e një trofeu nuk i ka zmbrapsur tifozët e “djemve të detit”.
Në një video të publikuar në internet, tifozët durrsakë kanë shoqëruar autobuzin e skuadrës së zemrës duke arritur të përshëndesin dhe falenderojnë për suksesin e arritur. Vetë lojtarët janë entuziazmuar nga pritja e bërë nga tifozët e tyre.
