Kombëtarja e Shqipërisë mbylli sot përgatitjet për ndeshjen me Bjellorusinë që do të luhet ditën e premte në Minsk.
Skuadra kuqezi kreu seancën e fundit stërvitore në kompleksin “Tropikal” në Durrës në orën 10:30. Ekipi është shfaqur i qetë dhe optimist përpara sfidës me kundërshtarët bjellorusë. Gjatë përgatitjeve, lojtarët kanë kryer dhe një ndeshje duke luajtur me duar.
Ndërkohë, sot në mbrëmje ekipi do të niset drejt Minskut dhe nesër do të kryejë seancën e fundit përgatitëse në Stadiumin Olimpik Kombëtar të Dinamos në Minsk.
Për këtë sfidë, do të mungojnë lojtarët Ardian Ismajli, Ylber Ramadani dhe Hysen Memolla për shkak dëmtimi.
