Drejtuesit e Yamaha, gjatë prezantimit të motorit Tricity 300, kanë bërë publike se kanë nisur një projekt shumë të madh për të ardhmen. Bëhet fjalë për të ndërtuar një motor që nuk rrëzohet.
Një motor, që sipas Yamaha, do të shkruajë historinë edhe pse bëhet fjalë për një projekt që do të zgjasë deri 10 vjet. Për këtë arsye, puna ka nisur me shumë entuziazëm, me shpresën që pas disa vitesh të merren rezultatet e para.
Problemi kryesor do të jetë aerodinamika, ku dhe do të investohet më shumë. Gjithsesi, për të realizuar këtë projekt Yamaha nuk është e vetme, pasi në garë janë edhe Honda si dhe Harley-Davidson, që synojnë të ndërtojnë një motor të tillë.
Gara ka nisur për të zbuluar se cili do të mbërrijë i pari në finish për të ndërtuar motorin që nuk rrëzohet.
