Trajneri i Bolonjës, Sinisa Mihajloviç beson se fëmijët e tij mund të ja kenë transmetuar virusin Covid-19. Menjëherë sapo u zbulua se serbi ishte infektuar me koronavirus kishte shqetësime pasi ai ishte diagnostikuar me leuçemi një vit më parë.Gjithsesi, Mihajloviç është asimptomatik dhe është izoluar në shtëpinë e tij.
Së fundmi trajneri ka vendosur të flasë se si e mori virusin në një intervistë për uebsajtin e Bolonjës. “Nuk bëra asgjë që nuk duhet bërë dhe jam i zhgënjyer të shoh kaq kritika ndaj meje dhe familjes time. I kam ndjekur rregullat dhe kam bërë gjithçka që duhej bërë gjatë pushimeve. Fatkeqësisht klubet e natës ishin të hapur dhe nuk mund ti thoja fëmijëve të mi të mos shkonin.
Mendoj se është e mundur që virusin ta kem marë nga fëmijët e mi, të cilët rezultuan të parët pozitivë. Ajo çka më mërzit është që për të dytin vit rradhazi nuk mund të jem në fazën parapërgatitore”, ka përfunduar Mihajloviç.
