Me Arturo Vidalin që është shumë afër kalimit te Interi dhe zyrtarizmi është çështje kohe, Interi po punon edhe për afrimin e një mesfushori tjetër.
Objektivi dhe kërkesa e trajnerit Konte është lojtari i Çelsit, Ngolo Kante. Ky i fundit pëlqehet shumë nga trajneri ziklatër, i cili e do me çdo kusht në skuadrën e tij.
Interi ka nisur kontaktet me Çelsin, që kërkon të paktën 70 milionë euro për shërbimet e mesfushorit. Në këtë situatë, sipas një prapaskene të zbuluar nga mediat italiane, bëhet e ditur se zikaltërit i kishin ofruar londinezëve Kristian Eriksen dhe Marselo Brozoviç për të marrë në shkëmbim Kantenë.
Megjithatë përgjigja ka qenë negative nga ana angleze, kjo për shkak se dy mesfushorët e Interit nuk janë lojtarë që i përshtaten lojës së Lampard.