Nga futbolli te motorët.
Trajneri i Holandës, Louis van Gaal, ka bërë një krahasim të rëndësishëm mes kombëtares së tij dhe yllit të F1, Max Verstappen.
Pilioti i Red Bull vjen nga suksesi i bukur i marrë në garën e fundit të luajtur në “shtëpi” dhe trajneri e ka shfrytëzuar për të motivuar lojtarët e tij.
“Holanda ime duhet të jetë pak si Verstappen. Në çfarë kuptimi? Të gjithë shikojmë sesa besim ka ai kur garon. Holanda duhet të jetë kështu”, ka thënë Van Gaal në prag të ndeshjes me Turqinë.
“Edhe Memphis Depay ka deklaruar se ka shumë besim te skuadra dhe kështu duhet të jenë të gjithë. Jam shumë i lumtur që Depay e mendon kështu sepse është i njëjti mendim që akm edhe unë”.
Holanda vjen nga barazimi me Norvegjinë dhe nga suksesi kundër Malit të Zi në kualifikueset për Katar 2022 dhe mbrëmjen e sotme do të përballet me Turqinë.
