Franko Barezi beson te rritja e kuqezinjve. Ish-kapiteni sugjeron që ekipi i Piolit duhet të besojë jo vetëm te Championsi, por mbase edhe te titulli.
“Është bukur të shohësh këtë Milan. Pas kaq vitesh, ky kampionat do të jetë pak më i ekuilibruar. Pioli punoi mirë pas izolimit dhe sezoni sivjet ka nisur po aq pozitivisht. Tashmë duhet të ruajnë urinë e të luajnë fort në çdo ndeshje. Të mos harrojmë Maldinin, që ka qenë vizionar që kur luante në fushë.
Nëse ky Milan është një përzierje cilësore e të rinjve dhe lojtarëve me përvojë merita ka edhe Maldini si drejtor. Një vend në Champions nuk më duket i pamundur, madje do të thoja që Milani është i detyruar të mendojë edhe për më tepër.” deklaroi Barezi.
