Piloti monogask i Ferrarit, Charles Leclerc, ka deklaruar se një nga arsyet përse “kokëkuqja” këtë sezon të Formula 1 është mjaft e avashtë. Sipas tij, makina italiane vuan shumë startin e garës, sidomos kur është plot me karburant. Ky problem pasqyrohet më tej edhe te gomat, që konsumohen më shumë.
“Këtë vit e kemi parë shpesh këtë problem. Me pak karburant në serbator marrim një rezultat shumë të mirë, sidomos në kualifikime. Sa herë që makina është plot me karburant kemi vështirësi në pistë. Kjo pasqyrohet te gomat, sidomos në ato të buta, që konsumohen shumë shpejt”, tha Leclerc.
