Kukësi prezantoi sot blerjen e fundit të kësaj merkatoje. Mbrojtë i djathtë Sadik Vitija ka firmosur për dy sezone me nënkampionët e Shqipërisë. “Panorama Sport” raportoi më herët se verilindorët kishin arritur të federonin 22-vjeçarin në momentet e fundit të mbylljes së “dritares” së madhe të merkatos.
Vitija ka përfaqësuar Zvicrën deri në U20, ndërsa gjatë gjithë karrierës ka luajtur me ekipet ligës helvete, si: Shafauzen, Vaduz, etj.
Njoftimi i Kukësit
ZYRTARE!
Sadik Vitija është zyrtarisht futbollist i Kukësit! Mbrojtësi shqiptar, ka firmosur ditën e fundit të merkatos kontratën me klubin tonë për 2 sezonet e ardhshme, duke u bërë futbollisti më i ri i Kukësit.
Mbrojtësi 22-vjeçar vjen nga kampionati zviceran i futbollit dhe është prezantuar sot në zyrat e klubit, teksa do të bashkohet me ekipin në stërvitje sot. Vitija ka luajtur me ekipet zinxhir të moshave të Zvicrës U15, U16, U17, U18, U19, U20.
Në kampionatin zviceran, Vitija ka luajtur me Zurich, Vaduz e Schaffhausen.
Klubi i Kukësit i uron shumë suksese mbrojtësit Vitija ! Mirë se vjen Sadik!Skeda e Lojtarit:
Emri: Sadik Vitija
Mosha: 22 vjeç
Nënshtetësia: Zviceran, Kosovar
Pozicioni: Mbrojtës
Klubet e mëparshme: Zurich, Vaduz, Schaffhausen
