Për disa javë, Manchester City duhej të luante pa një qendërsulmues. Lëndimet po mundojnë çdo skuadër në një sezon të ri, që ka filluar pa pushim. Aq sa Solskjaer, Klopp dhe Guardiola kanë bashkuar forcat për t’u ankuar publikisht te “bosët” e Premier League. Klopp humbi këtë të diel, në ndeshjen ndaj Manchester City (1-1), Trent Alexander-Arnold, ndërsa Guardiola bëri vuajti problemet e Mendy, Fernandinho dhe Agüero.
Që kur dëmtoi gjurin, Agüero ka qenë praktikisht i pamundur. Këtë sezon, ai ka luajtur vetëm 178 minuta në tri ndeshje: kundër Arsenal (65), Porto dhe West Ham (45). Argjentinasi përfundoi pa gol në të dyja ndeshjet e Premier League, por shënoi në Ligën e Kampionëve. Tani, një dëmtim i ri, këtë herë në kofshë, e mban atë larg fushës. Pas ndeshjes me Liverpool dhe në mungesë të më shumë sulmuesve, Roy Keane, një ish-lojtar i Manchester United dhe tani komentator i “Sky Sports”, analizoi situatën e Kun dhe fajësoi mbipeshën e mundshme për dëmtimet e tij:
“Problemi me Agüero është se, kur u kthye, ai dukej mbipeshë. Zoti e di vetëm se çfarë madhësie pantallonash ka veshur. Ai dukej i rëndë. Ndonjëherë dilni nga dëmtimi dhe mund t’ju kushtojë po të vraponi. Normalisht, lojtarëve iu duhen dy ose tri javë për të rimarrë shpejtësinë e duhur. Unë u shqetësova kur u kthye në fushë, sepse dukej me të vërtetë mbipeshë. Është e vështirë të arrihet, por duhet të përpiqesh të mos shtosh peshë”.
