Provat zyrtare në Pistën e Stambollit kanë regjistruar një rezultat të pazakontë. Piloti i ri kanadez Lans Strol regjistroi “pole position” –in e parë në karrierë me kohën 1:47.765, kurse emrat e mëdhenj si Hamilton, Vetel, etj zhgënjyen në cirkuitin e Turqisë.
Kampioni në fuqi i botës Hamilton, i cili garon për Mercedesin u rendit në vendin e gjashtë, ndërsa gjermani i Ferrarit Vetel në vendin e 12-të. Vendi i dytë në provat zyrtare të Stambollit u mor nga piloti holandez Maks Verstapen, ndërsa shoku i skuadrës së Stol, Serxho Perez do të niset nesër nga vendi i tretë.
Valteri Botas, piloti tjetër i Mercedezit u rendit në vendin e nëntë në provat zyrtare të Turqisë.
