Për ish-kapitenin e Gjermanisë, Lotar Mateus trajneri i kombëtares aktuale, Joakim Lëv mund të ketë një mundësi për të qëndruar pas humbjes 6-0 ndaj Spanjës, vetëm nëse ai do të bëjë një paraqitje të mirë në Europian.
“Lëv ka shanse për të treguar se Gjermania nuk është me ajo e Botërorit 2018 në Rusi. Askush nuk kërkon të shohë më atë skuadër e cila ishte shumë larg pritshmërive.
Tifozët duan të shohin lojtarë të cilët vrapojnë dhe luftojnë në fushë dhe jo ata që shëtisin. Nëse skuadra do të arrijë diçka të rëndësishme në Europian dhe për këtë e kemi fjalën trofeun, atëherë Lëv mund të qëndroi gjatë në kombëtare”, tha Mateus. Kujtojmë që kontrata e Joakim Lëv me “Pancerat” skadon pas Botërorit të Katarit në 2022.
