Xhofri Kondogbia është lojtari më i ri i Atletiko Madrid. Lajmin e këtij transferimi e ka zyrtarizuar vetë klubi nga Madridi, ku kanë komunikuar se është arritur marrëveshja totale me klubin e Valencias për kartonin e mesfushorit francez.
Ish-lojtari i Interit ka firmosur një kontratë deri në vitin 2024. “Los Cholchoneros” kanë arritur të bëjnë për vete një mesfushor me tipare të ngjashme me Tomas Partin i cili u largua në merkaton verore tek klubi i Arsenalit.
Mesfushori francez luajti për 2 sezone me Interin, nga 2015 deri 2017, ku zhgënjeu me paraqitet e tij, ndonëse u afrua me shumë bujë nga Monako.
Kondogbia me Valencian në 2 sezone u aktivizua në 51 sfida në të gjitha kompeticionet ku arriti të shënojë vetëm 2 gola.