Davide Ancelotti, djali dhe zëvendësi i Carlo-s tek Everton, ka folur për Calvert-Lewin në një intervistë të dhënë për TalkSport:
“Është një lojtar special, ka disa aftësi fantastike. Duken përmirësimet në çdo ndeshje, arrin të bëjë diferencën në një kampionat të komplikuar si Premier League”, ka thënë Ancelotti.
“Është shumë i fortë fizikisht, vështirë të gjendet një më i mirë në këtë aspekt. Është në fillimin e karrierës, por ka gjithçka për të arritur në nivele të mëdha”.
“Ka një aftësi speciale që i përket të gjithë talenteve të mëdha: e njeh shumë mirë trupin e tij. Cristiano Ronaldo, për shembull, është një lojtar i tillë. Nuk ka shumë të tillë”.
