Davide Balardini është i gatshëm të ulet përsëri në pankinën e Xhenoas.
Për të katërtën herë në karrierën e tij, trajneri 56-vjeçar nga Ravena është një hap larg për t’u zyrtarizuar si tekniku më i ri i skuadrës nga Liguria.
Është ai më i parapëlqyeri nga presidenti xhenoan Enriko Preciozi i cili pritet të shkarkojë trajnerin Rolando Maran pas humbjes 2-0 ndaj Beneventos. Edhe pse ende nuk ka një gjë zyrtare, por është çështje orësh largimi i tij nga detyra e trajnerit.
Në vendin e tij do të thërritet në ndihmë Davide Balardini për të qenë “timonieri”i skuadrës së Xhenoas, ku hera e fundit kur ka qenë ulur në stolin e klubit kuqeblu datonte në tetor të 2018 pas humbjes në ndeshjen ndaj Parmës.
