Mick Schumacher do të debutojë sezonin e ardhshëm në Formula 1, ku do të garojë me makinën amerikane Haas. Ai do të ndjekë gjurmët e babait të tij, legjendës Michael Schumacher, 7 herë kampion bote në Formula 1.
“Nuk kam patur kurrë probleme kur njerëzit kujtojnë babain tim dhe kur duan të bëjnë një krahasim mes tij dhe meje. Nuk do ta kem një pengesë këtë gjë, përkundrazi do të jetë një nder dhe motivim për mua”, tha Mick Schumacher.
“Për mua ky krahasim do të thotë më shumë punë dhe impenjim për të dhënë më të mirën në pistë. Nuk jetoj me frikën e peshës që ka mbiemri Schumacher në Formula 1”, u shpreh Mick, 21 vjeç, kampion bote këtë vit në Formula 2.
