Lewis Hamilton nuk mori pjesë në garën e zhvilluar në Bahrein ditën e diel, pasi u infektua me Covid-19. Piloti britanik ndodhet ende i izoluar në nje hotel në këtë vend, ndërkohë që e gjithë skuadra ka udhëtuar për në Abu Dhabi, ku pas 10 ditësh do të zhvillohet gara e fundit sezonale në Formula 1.
Toto Wolff, shefi i Mercedes, është optimist se Hamilton do të jetë në garën e fundit sezonale. “Ai është i izoluar në dhomën e një hoteli dhe kjo nuk është diccka e mirë. Mendoj se është në rryugën e duhur për t’u rikthyer në pistë. Ndoshta që këtë javë mund të jetë negativ”, tha Wolff.
Hamilton duhet të dalë negativ në dy teste anti-Covid radhazi. Në garën e fundit ai u zëvendësua nga patrioti i tij George Russell. “George bëri një garë të mirë, duke e zëvendësuar denjësisht Hamilton dhe ky është një lajm i mirë, pasi po lind një kampion i ri. Jemi krenar për zgjedhjen e bërë”, tha Wolff.
