Shumë persona e quajnë Keidi Baré, por është Bare! Pa theks… Pjesa më e madhe e thërrasin Keidi, një emër që vjen nga Shqipëria dhe që nëna dhe gjyshja e tij një ditë e zgjodhën pasi e fiksuan në tv.
Por ky emër për pjesën më të madhë tingëllonte në Dani Jarque për shumë ditë, dhjetë vite më parë. “Dani Jarque” është qendra stërvitore e Espanyol.
Futbollisti i kombëtares së Shqipërisë u desh të priste 10 vite që të firmoste me katalanasit deri në 30 qershor 2024, edhe pse në një prapaskenë të publikuar në mediat spanjolle, kjo gjë mund të kishte ndodhur në vitin 2009.
Albert Stroni, një ish-futbollist shqiptar që ka luajtur në Divisionin e Dytë spanjoll me Compostela dhe Orense, nis të lëviz dhe pasi ka miqësi me Antonio Feijoo, ish-masazhator i klubit, i jep mundësi të riut Keidi që të stërvitet për disa ditë te Akademia e Espanyol. Ishte viti 2009. Shumë nisën të shihnin një djalosh që kishte të ardhme si futbollist, por ishte në një vend të panjohur, nuk dinte gjuhën dhe ndihej i vetmuar për kohën që qëndroi aty.
Por, gjatë kohës që qëndroi në Barcelonë, përveç se Espanyol nuk mund ta federonte dot, as Barcelona për shkak se ishte dënuar nga FIFA në atë periudhë, edhe pse të gjithë thonin se “djaloshi ka talent”.
Kështu Keidi Bare u kthye në Shqipëri të luante, ndërsa më pas iku ne Greqi në moshën 11 vjeç kështu që aty nisi rrugëtimi tjetër larg Fierit, që do të ishte trampolina e madhe…
