Më 16 dhjetor 1990, si sot 30 vite më parë, debutoi jë dajlosh i ri me Barcelonën, që më pas do të bëhej trajner i madh i saj, por jo vetëm. Pra, sot është një datë përkujtimi të madh për Pep Guardiolën, pasi trajneri aktual i Manchester City luajti ndeshjen e parë me ekipin e parë katalanas.
Asokohe 19 vjeç, Pep debutoi në “Camp Nou” në ndeshjen e kampionatit, kundër Cádiz, e cila përfundoi me fitoren 2-0, alë golave të Txiki dhe Bakero. Mesfushori i ri bëri performancë pozitive, çka i la një përshtypje të mirë trajnerit Johan Cruyff, i cili qysh atëherë kishte besim të madh te Guardiola.
Pas debutimit, Pep Guardiola kaloi 11 sezone duke mbrojtur ngjyrat e Barçës, me të cilën luajti 378 ndeshje zyrtare, duke shënuar 11 gola dhe dhënë 37 asiste. Pas “pensionimit” si futbollist, ai mori frenat e stolit të Barçës, për të fituar të gjithë titujt e mundshëm, përfshirë gjashtë të tillë më 2009.
