Kishte thuajse një dekadë që nuk gjykonte një derbi dhe të martën mbrëma konfirmoi të gjitha drojën e Milanit kur u zgjodh të arbitrojë. Sipas “Transfermarkt”, Paolo Valeri është “bilbili” që ka prirjen të nxjerrë më shpesh kartonin e kuq ndaj lojtarëve të “Djallit”.
Këtë e dëshmojnë shifrat që flasin për 13 përjashtime në 33 sfida, praktikisht me 42-vjeçarin kuqezinjtë nisin një ndeshje në çdo 2.5 me një lojtar më pak. Në derbin e së martës ishte kartoni i kuq i 13-të në llogari të lojtarëve të Milanit që në secilën prej katër ndeshjeve të fundit në Kupën e Italisë ka luajtur me një futbollist më pak.
Vitin e kaluar ndëshkohej Teo Hernandez në gjysmëfinalen e parë kundër Juventusit, teksa në sfidën e kthimit ishte Rebiç që mori karton të kuq. Dy javë më parë ekipi i Piolit pa Donarumën të ndëshkohej duke qenë në stol, ndërsa ndaj Interit erdhi edhe kartoni për Ibrën. Nga këta katër të kuq, tre u janë treguar lojtarëve të Milanit nga Paolo Valeri.