Algoritmi i faqes së specializuar të statistikave OPTA ka parashikuar Interin si kampionin e ri të Serisë A që do të thyejë hegjemoninë 9 vjeçare të Juventusit.
Programi kompjuterik që merr për bazë të dhënat e klubeve në katër edicionet e fundit, ku fokusi më i madh është padyshim në sezonin e fundit, ka dalë në konkluzion se kampionati do të jetë një garë treshe, “e egër dhe e paparashikueshme”. Juventus, Milan dhe Inter do të krijojnë një shkëputje nga rivalët, me zikaltrit që janë favoritë në krahasim me të dy të tjerat.
OPTA i ka dhënë 35.8 % mundësi suksesi Interit, teksa në vend të dytë renditet Juventusi me 23,1%, ndërkohë që vendi i tretë mbahet nga Milani me 21.3 % shanse për t’u kthyer te titulli kampion.
