Keqardhje por kurrësesi befasi.
Steven Gerrard, trajneri i Rangers në Skoci, komentoi shkarkimin e ish shokut të kombëtares, Frank Lampard, në konferencën për shtyp këtë mëngjes:
“Padyshim që më vjen shumë keq për Frank, ai është një ish-shok i ekipit tim, një person që e respektoj shumë.
Duke e njohur atë, unë e di që ai do të kthehet më i fortë! Do të harrojë gjithçka dhe do të kthehet me të njëjtin pasion. Tani ai do ta shfrytëzojë këtë kohë të lirë për të qenë me familjen e tij.
Jam i zhgënjyer në vendin e tij, sepse mendoj se është një vendim i nxituar , sidomos pas rezultatit pozitiv në FA Cup.
Por unë nuk i di detajet, nuk e di se çfarë marrëdhënie kishte me klubin.
Thjesht mendoj se ata duhet ta kishin mbështetur atë gjatë kësaj kohe të vështirë sesa të bënin atë që bënë. Por nuk është hera e parë që kjo ka ndodhur te Chelsea, kështu që nuk ishte një surprizë”.
