Është një nga blerjet më të mira të këtij Milani dhe po shkëlqen me paraqitjet e tij, Diogo Dalot në një interviste në mikrofonat e “Record”, ka folur për objektivat sezonal të Milanit dhe aventurën me kuqezinjtë:
“Duhet kurajo për të ëndërruar titullin. Ibrahimoviç është mësuar të fitojë, në respekt nga shumica e gjithë lojtarëve në skuadër. Në dhomën e zhveshjes ai ndihmon të shkatërrojë mentalitetin humbës.
Kjo eksperiencë që ai na transmeton është e mahnitshme. Të gjithë duam të fitojmë titullin por jemi të vetëdijshëm që është e vështirë, pasi ka edhe skuadra të tjera që kanë fituar më shpesh dhe janë më të fortë.
Kemi kualitet, jemi një grup i fortë dhe e kemi demonstruar. Tani vlen të shohim ndeshje pas ndeshje.”, përfundoi Diogo Dalot.