Pep Guardiola mbush sot 50 vjeç. Gjysmë shekulli jetë, por më pak kohë për t’u dalluar si lojtar dhe bërë një nga karrierat më të suksesshme të historisë si trajner. Një nga personazhet më emblematikë të historisë së Barcelonës dhe futbollit në përgjithësi përmbush mbi një dekadë si trajner i elitës. Ai e nisi këtë rrugëtim me ekipin e parë të Barcelonës, në verën e vitit 2008. Gjatë sezonit të tij të parë bëri histori, duke arritur gjashtë tituj. Pep do të ketë misionin, tani me gjysmë shekulli moshe, për të rimarrë kampionatin e Premier League me Manchester City, titull që tashmë e arriti në vitet 2018 dhe 2019, duke vendosur edhe rekordin e 100 pikëve.
Spanjolli është një nga trajnerët me më shumë tituj të fituar në historinë e futbollit, gjatë rrugëtimit 13-vjeçar nëpër stola. Konkretisht, tekniku katalanas ka arritur 29 trofe gjatë kalimit të tij nga Barcelona te Bayern Munich dhe Manchester City. Lidhur me trofetë e tij lojtar, Pep Guardiola mund të mburret se ka fituar 16 të tillë gjatë rrugëtimit gati 20-vjeçar. Midis titujve, stilit të lojës dhe ekspozitave të mëdha të futbollit të mirë, katalanasi paraqet, pa dyshim, një nga modelet më të mira në trajningun e futbollit, historikisht.
