Etrit Berisha është futbollisti i kombëtares më i vlerësuari për javën që lamë pas. Gardiani i SPAL-it shpëtoi skuadrën nga humbja në sfidën kundër Kremonezes ditën e djeshme duke kryer 7 pritje. “Sofa Score” e vlerësoi me notën 7.9.
Një javë për t’u mbajtur mend ishte dhe për qendërmbrojtësin Berat Gjimshitin. Futbollisti i Atalantës arriti të mbronte portën e bergameskëve në fitoren e jashtëzakonshme kundër Milanit 0-3 në “San Siro”.
27-vjeçari u shqua për markimin që i bëri yllit të Milanit, Zlatan Ibrahimoviç.
Edhe pse ka kohë që nuk grumbullohet me kombëtaren, Arlind Ajeti jep sinjale se mund të rikthehet në ditët e tij më të mira. Mbrojtësi i Rexhianës shënoi njërin prej dy golave të fitores kundër Viçencës ditën e shtunë. Ai u vlerësua me notën 7.1.
Mesfushori veteran i komëbtares dhe Peskarës, Ledian Memushaj pa ekipin e tij të mundej 2-0 nga Salernitana. 34-vjeçari bëri gjithçka për të ndihmuar skuadrën për të shmangur humbje, por “Delfinët” ishin inferior ndaj Salernitanës.
Mesfushori Lindon Selahi u vlerësua me notën 6.8 në takimin me ekipin e tij të ri Vilem II ndaj Zuoles. Skuadra e 21-vjeçari u mund me rezultatin 1-3.
Notat e Berishës, Gjimshitit, Ajetit, Memushajt dhe Selahit sipas “Sofa Score”
