Lacio nëpërmjet një komunikate zyrtare të bërë në faqen e klubit, njofton se portieri Thomas Strakosha ka pësuar një dëmtim dhe për këtë arsye nuk ishte në listën e lojtarëve të grumbulluar për ndeshjen e sotme me Parmën.
Në komunikatën e klubit thuhet se portieri ka shfaqur një problem muskulor në kofshën e djathtë dhe për këtë arsye është jashtë. Lojtari do i nënshtrohet vizitave të detajuara mjekësore për të kuptuar shkallën e dëmtimit dhe për të nisur rikuperimin.
“Njoftohet se lojtari Thomas Strakosha në ndeshjen ndaj Fiorentinës ka pësuar një tërheqje muskulore në kofshën e djathtë. Ai iu nënshtrua menjëherë vizitave mjekësore dhe trajtimit të dëmtimit dhe do të monitorohet në vazhdimësi për të hartuar një prognozë përfundimtare”, thuhet në komunikatën e Lacios.
