Një tjetër futbollist shqiptar mund të transferohet drejt Superligës turke. Bëhet fjalë për sulmuesin 20-vjeçar të Llapit, Valmir Veliu, që ka zgjuar interesin e klubit prestigjioz të Beshiktashit.
Sipas “Indeksonline”, klubet janë në negociata, teksa pritet që në ditët e ardhshme, akordi të finalizohet. Veliu, i cili është pjesë edhe e përfaqësueses U-21 të Kosovës, ka surprizuar drejtuesit e Beshiktashit me cilësitë e tij, teksa këta të fundit ishin duke e ndjekur në një ndeshje miqësore në Antalia.
Sulmuesi 20-vjeçar në 2 edicionet e fundit ka qenë një ndër futbollistët më të dalluar te Llapi, teksa pritet të bëjë hapin e madh në karrierë.