Tirana po përgatitet për afrime të rëndësishme në merkato, por së fundmi “Panorama Sport” mëson se bardhebluve i është bllokuar merkato nga FIFA.
Kampionët e Shqipërisë nuk mund të regjistrojnë dot lojtarë. Vendimi ka ardhur për shkak të një detyrimi të papaguar ndaj ish-futbollistit afrikan të Tiranës, Moktar Cise. Klubi ka humbur gjyqin prej 200 mijë eurosh me futbollistin.
Merkato e bardhebluve është bllokuar dhe drejtuesit duhet të paguajnë borxhin ndaj lojtarit dhe më pas të presin vendimin për zhbllokimin e merkatos.
Cise u bashkua me Tiranën në merkaton e verës së 2016-ës, ku qëndroi për një sezon, teksa luajti në 23 ndeshje dhe shënoi 2 gola.
