Alesio Abibi është futbollisti më i ri i skuadrës irlandeze, Dundalk. Lajmi u dha nga klubi në faqen zyrtare. 24-vjeçari kaloi me parametër zero nga Kastrioti te Dundalku pasi kishte mbyllur kontratën me krutanët.
Ish-portieri i Tiranës është zbulim i teknikut të “Zambakëve”, Filipo Xhovanjolit.
“Alesio është njëri nga portierët që e kam studiuar dhe ndjekur gjatë karrierës sime. Ai ka karakteristikat më të mira për mënyrën se si duam të luajmë ne. Është i gjatë, i zoti në lojën në ajër, ka forcë dhe di të mbrohet mirë gjatë goditjet standarte. Gjithashtu, është i aftë në lojën me top dhe ndërtimin e aksioneve. Është i ri dhe ka mundësi të rritet te ne. Ka një karrierë të madhe përpara”, shprehet me superlative trajneri i Dundalkut, Filipo Xhovanjolit.
Abibi nuk pati mundësi të merrte vendin e titullarit te Kastrioti, teksa në vend të tij u preferua veterani Isli Hidi.
🧤 Dundalk FC is delighted to announce the signing of 24-year-old Albanian goalkeeper Alessio Abibi. https://t.co/IavZNp72jL#CmonTheTown #WelcomeAbibi pic.twitter.com/ZVy2QZ9nKO
— DundalkFC (@DundalkFC) January 5, 2021
