Mbrojtësi i Barcelonës, Zherard Pike rrezikon të përjashtohet për 12 ndeshje. Shkak janë bërë deklaratat kontraverse të 34-vjeçarit në adresë të arbitrave spanjollë, të cilët, sipas tij, janë mbështetës në shumicë të Real Madridit, rivalëve të përjetshëm të katalanasve.
Federata Spanjolle ka nisur hetime për deklaratat e Pikesë në median “MARCA”. Përveç përjashtimit, mbrojtësi katalanas rrezikon të gjobitet me faturë 600-3000 euro.
“Ditën tjetër, një ish-arbitër tha se 85% e gjyqtarëve të La Liga favorizojnë Real Madridin. Si ka mundësi që nuk vërshëllejnë kundër tyre?! E respektoj profesionalizmin e arbitrave dhe e di se përpiqen të bëjnë sa më mirë punën e tyre, por kur lindi dyshime…”, u shpreh Pike.