Ali Soue ka shfaqur gjithë talentin e tij teksa ka shënuar një dopietë me fanellën e Rostovit në debutim ndaj Zenitit në Premier Ligën ruse ku sfida përfundoi me barazimin 2-2.
Ish-sulmuesi i Skënderbeut ka realizuar dy gola, respektivisht në minutat 44′ dhe 89′ duke u treguar i saktë përpara porte dhe duke treguar se transferimi i tij në Rusi ia ka vlejtur dhe në ndeshjen e tij të parë e nisi mbarë me një dy-golësh ndaj një kundërshtari jo të lehtë si Zeniti.
Rostovi në elitën e kampionatit rus, renditet në vendin e 5 në kuotën e 33 pikëve.
Vlen të theksohet se Soue është i huazuar për 6-muaj tek skuadra ruse nga klubi i CSKA-së së Sofies.
