Krzysztof Piatek është rikthyer te goli me fanellën e Herthës së Berlinit pas 2 muajve shterpësi. Sulmuesi, që u bë i njohur në Itali për festimin e tij, po kalonte një periudhë krize, por ditën e sotme është zhbllokuar.
Në sfidën mes Herthës dhe Augsburg, Piatek ka shënuar golin e barazimit 1-1, pas një goditje me kokë. Pas golit, normalisht që patëm edhe festimin e famshëm “pum-pum”.
Piatek u bë i njohur edhe për eksperiencën e tij te Milan, ku e nisi në mënyrë fantastike, me tifozët që u dashuruan pas tij, por në fund aventura e tij te kuqezinjtë përfundoi shumë shpejt.
