E ardhmja e Arturo Vidal është vendosur në pikëpyetje nga shumë media italiane, por duket se mesfushori nuk ka ndërmend të largohet nga Interi. Diçka të tillë e konfirmon agjenti i lojtarit, Fernando Felicevich, i cili ka folur në një intervistë së fundmi.
Agjenti i Vidal është shprehur hapur se lojtari do të qëndrojë tek Interi dhe madje ka shtuar se kileni kërkon të fitojë këtë sezon Scudetton dhe vitin e ardhshëm UEFA Champions League.
“Është normale që në nivelin që Arturo luan të ketë oferta, por ai do të qëndrojë tek Interi. Tani ai kërkon të fitojë Scudetton, ndërsa vitin e ardhshëm Champions League. Do të rikthehet shumë shpejt në fushë”, përfundoi Felicevich.
