Nisin sot në pistën e Sakhir provat e lira të vlefshme për garën e Çmimit të Madh të Bahrein të Formula 1. Te skuadra e Ferrarit do të debutojë këtë sezon spanjolli Carlos Sainz, i cili pret të bëjë një paraqitje të mirë me “kokëkuqen”.
“Ndoshta nuk jam gati aq sa Leclerc, që nis sezonin e tretë me Ferrarin, por kjo gjë nuk më tremb. Për mua të garoj ishte një shans i jashtëzakonshëm dhe do ta shfrytëzoj në maksimum këtë mundësi që mu dha”, tha Sainz, që erdhi nga McLaren.
“Kam punuar shumë këto muaj për të qenë gati në pistë, duke u munduar të marr maksimumin nga makina edhe në testet që zhvilluam. Ndaj, dua ta shfrytëzoj dhe shijoj në maksimum aventurën te Ferrari, për të arritur në majën e botës”, tha Sainz.
