Ky vit i parë në Formula 1 nuk ka për të qenë i lehtë për Mick Schumacher, që debuton me makinën amerikane Haas. Piloti i ri gjerman arriti ta përfundojë garën e parë sezonale edhe pse i fundit.
Pavarësisht kësaj, Mick shprehet se në garat që do të vijnë situata për të do të jetë më e mirë, duke fituar më shumë besim te vetja dhe do ta njohë më mirë makinën e tij. Ndaj, ai ka objektiva të qarta.
“Edhe pse kemi ende një distancë të madhe për të rikuperuar më rivalët mendoj se jemi në një pozicion të mirë me parashikimet. Unë jam i kënaqur nga paraqitja e provave zyrtare dhe kam një objektiv”, tha Mick Schumacher.
“Synoj që me kalimin e kohës të renditem brenda 15 pilotëve më të mirë në provat zyrtare. Ky është një objektiv konkret, i arritshëm, që mund të na ndihmojë më pas edhe në garë. Po punojmë fort për këtë objektiv”, tha Mick Schumacher.