Ish-futbollisti i Skënderbeut, Suad Sahiti, është bërë protagonist në Kroaci me skuadrën e tij Sibenik, duke shënuar golin e avantazhit në sfidën ndaj Goricës.
Sulmuesi i krahut arriti të realizonte në minutën e 40-të të takimit, teksa ky është goli i parë i 25 vjeçarit me kroatët e Sebenik që pas transferimit të tij dy muaj më parë nga boshnjakët e Zrinjskit.
Sahiti ka luajtur dhe në kampionatin shqiptar të futbollit duke u aktivizuar me Skënderbeun në vitin 2017-2018. Ndeshja Sibenik-Gorica përfundoi me rezultatin 1-1. Një gol në minutën e 88 nga Delfi i ka hequr fitoren nga duart Sibenikut, që duhet të mjaftohet me vetëm një pikë në këtë përballje.