Pas pothuajse pesë muajsh, vdekja e Diego Armando Maradona ka lënë akoma shumë pyetje pa përgjigje. Hetimet kanë ngritur shumë dyshime. Flitet për gabime nga ana e mjekëve, madje edhe për paaftësi.
Në Argjentinë, janë të sigurt se mund të hedhin dritë mbi atë që ka ndodhur nëpërmjet një dokumentari.
Për këtë është e sigurt prestigjiozja Ole, që ka shpjeguar se shumë shpejt do të publikohet një dokumentar me titullin “E vërteta mbi vdekjen e Diego Maradona-s”, që do të kërkojë të japë një shpjegim në lidhje me shkaqet që kanë çuar te vdekja e Diego-s në vetmi.
Nga sa mendohet, dokumentari do të ketë dëshmi ekskluizve në lidhje me orët e fundit të Maradona-s. Në fakt, duket se do të dalin në dritë bisedat e mjekëve që kanë ndjekur Maradona-n para vdekjes së tij.
Sipas lajmeve që vijnë nga Argjentina, do të ekspozohen dëshmitë e shumë personazheve me role shumë të rëndësishme në këtë çështje.
