Pasditen e sotme, Juventusi do të luajë me Napolin për të rikuperuar ndeshjen e javës së 3-të të Serisë A, e cila u shty si pasojë e virusit.
Dita e sotme nuk është thjesht një sfidë për Juventusit, por është një detyrim pasi bardhezinjtë rrezikojnë kualifikimin për në Ligën e Kampionëve për herë të parë pas 9 sezonesh si kampionë në Itali. Sigurisht çdo dështim e ka një kosto, dhe në këtë rast një moskualifikim i “Zonjës së Vjetër” në Champions, do t’i kushtonte klubit një humbje prej 80 milion eurosh.
Duke llogaritur dhe situatën e pandemisë dhe krizën ekonomike që i ka kapluar skuadrat e futbollit, kjo është një shifër e lartë që do të pasonte më pas më një revolucion në skuadër për të shmangur bilancin negativ në fund të sezonit.
