Portieri i Inter-it, Samir Handanovic, ka folur në prag të sfidës së kampionatit kundër Verona-s, e vlefshme për javën e 33-të të Serisë A.
Numri një i zikaltërve ka zbuluar pesëshen e tij më të mirë të historisë së Inter-it të gjitha kohërave dhe ka folur edhe për ata që e kanë frymëzuar më shumë duke e shtyrë të bëhet portier:
“Pesëshja ime më e mirë e të gjitha kohërave? Julio Cesar sepse kishte aftësi reaguese mbresëlënëse. Walter Samuel, një mur. Maicon ishte i jashtëzakonshëm. Fenomeni, një kampion unik. Diego Milito, i aftë të shënojë gol në çdo mënyrë dhe bënte lëvizje të jashtëzakonshme pa top”, ka thënë Handanovic.
Në lidhje me portierët që e kanë frymëzuar: “Zgjedhja për t’u bërë portier? Jam frymëzuar nga Peter Schmeichel, ishte shumë përpara për sa i takonte interpretimit të rolit të tij. Më pas, duke u rritur, nga Buffon”.
