Xhuzepe Marota ka qenë viktimë e një shakaje të kryer nga radio “105” në Itali. Spikeri i saj, vendosi që të hiqej sikur ishte Masimo Ferrero, presidenti i Sampdorias, e cila është edhe rivalja e ardhshme e zikaltërve në kampionat.
Gjatë bisedimeve, Ferrero i rremë arriti t’i nxjerrë disa sekrete administratorit të deleguar zikaltër, siç ishte për shembull mbledhja e bordit drejtues dhe atij teknik të Interit:
“Do të mblidhemi të gjithë ditën e mërkurë për të vendosur për të ardhmen e klubit”, zbulonte Marota. Për më tepër, spikeri që di ta imitojë në mënyrë të përkryer Ferreron i kërkoi Marotës blerjen e mundshme të mesfushorit zikaltër, Roberto Galjardini: “Për Galjan flasim në telefon sërish të mërkurën”, deklaronte sërish Marota.
