Guardiola e ka përshkruar Filip Lahmin si lojtarin më inteligjent që ai ka stërvitur. Sot, ish-kapiteni i Bajernit thotë se trajneri ka ndryshuar shumë, duke u bërë më i kujdesshëm.
“Siti tani luan me një stil më të kujdesshëm. Tani skuadra e lëshon topin ndonjëherë, tërhiqet, mbron në zonë, merr frymë dhe pret të kundërsulmojë. Trajneri ka mësuar që të shijojë gola të thjeshtë nga një goditje këndi apo jashtë zone.
Ai nuk është thjesht një tifoz i tiki-takas ultra sulmuese. Nëse do të kishte mundësi ai do të luante me 11 Iniesta. Por, pas asaj që bëri në Spanjë me Barçën, ai po përshtatet me futbollin”, tha ish-mbrojtësi i Gjermanisë gjatë një interviste për “El Pais”.
