Ndeshjet Live Sport

LIVE/ Superiore: Mbyllet ndeshja Kastrioti-Skënderbeu. Rezultati 0-2

Luhet duke filluar nga ora 16:00, ndeshja mes Kastriotit dhe Skënderbeut, e vlefshme për javën e 31 në Kategorinë Superiore.

Do jetë një sfidë e luftuar ajo në stadiumin e Kamzës, ku të dyja skuadrat do të kërkojnë të dalin më kokën lart. Skënderbeu renditet i nënti, 5 pikë larg Kastriotit të vendit të shtatë dhe për këtë arsye, korçarët do të kërkojnë me çdo kusht fitoren, për të shpresuar më pas të mbijetesa. Nga ana tjetër krutanëve do i bënte punë edhe një barazim, por në fushë gjithsesi futen për fitore.

Spektakli është i garantuar në këtë sfidë, me skuadrat që do kërkojnë të shfrytëzojnë çdo hapësirë që do iu jepet. Për sa i përket ndeshjeve direkte të këtij sezoni, gjithçka anon nga Kastrioti, që ka grumbulluar 2 fitore dhe një barazim.

LIVE| KASTRIOTI-SKËNDERBEU 0-2

Zhan Viktor 66′

KOMENTI LIVE:

Akordohen 6 minuta shtesë!

89′ Mundësi e artë shënimi për korçarët, me Zhan Viktor që provon me një gjuajtje të fortë, por pret Hidi.

83′ Kundërsulm i Skënderbeut, me Mensah që provon me një gjuajtje nga jashtë zone, por bllokohet nga krutanët, te i njëjti aksion provon edhe Rrapaj, por e kontrollon shumë keq në zonë.

76’ Ndërhyrje e ashpër e Rrapajt ndaj Çelës me takë, ndëshkohet me karton të verdhë futbollisti i korçarëve.

70’ Largohet nga fusha e lojës i dëmtuar Neziri me ambulancë, në vendin e tij inkuadrohet Joan Çela.

66’ GOOOOOOL SKËNDERBEU 0-1/ Zhbllokohet sfida, me Zhan Viktor që shënon pas një topi të mbetur në zonë nga Neziri. Ky i fundit dëmtohet dhe e ka të pamundur të vazhdojë ndeshjen. 

59’ Tjetër mundësi e mirë për Kastriotin, me Bardhin që lëshon një gjuajtje të fortë në hyrje të zonës, por topi ndalet te shtylla.

57′ Largohet i dëmtuar Taipi dhe vendin e tij në fushë e merr Arinaldo Rrapaj.

55′ Zëvendësim i dyfishtë te Kastrioti, De Silva dhe Rezi i marrin vendin Dacit dhe Mehmetit.

47’ Çfarë rasti për Skënderbeun, me Marën që bën gjithçka shumë mirë, pason në fund për Zhan Viktor, i cili i vetëm me portierin gjuan lart. Nuk i besojnë syve korçarët.

46′ Ndërhyrje e gabuar e Taipit ndaj Mehmetit, akordon goditje dënim i Jorgji në hyrje të zonës. Gjuan Bardhi, por topi shkon ngjitur me portën.

45′ Starton pjesa e dytë!

Mbyllet pjesa e parë!

46+1’ Moment i artë shënimi për Kastriotin me Dacin që provon me një kthesë, por pret në mënyrë të shkëlqyer Rexhepi.

45’ momente tensioni në fushë, Çela godet me kokë Sadriun, por arbitri nuk e shikon dhe ndëshkon të dy lojtarët me të verdhë.

43’ Mbeten me 10 lojtarë krutanët! Indrit Prodani ndëshkohet me kartonin e dytë të verdhë për goditje më bërryl ndaj Vangjelit.

39’ Ndërhyrje e ashpër e Bajramit në fundore ndaj Bardhit. Ndëshkohet me karton të verdhë për protesta portieri Rexhepi.

38’ Karton i verdhë për Prodanin, për protesta ndaj Jorgjit.

27’ Rasti më i mirë i ndeshjes, pas një krosimi të marrë nga e djathta, Çela gjuan bukur me kokë, por pret me një hedhje spektakolare Rexhepi. Provon edhe Prodani me një gjuajtje në hyrje të zonës, por topi shkon jashtë.

25’ Provon Bardhi të japë një pasim në zonë, por bllokon Zhan Viktor i cili e dërgon topin në goditje këndi, e para për këtë ndeshje.

24’ Goditje e fortë e Mehmetit ndaj Mensah, por nuk ka asgjë për arbitrin. Nuk përmbahet trajneri Memelli, i cili kërkon goditje dënimi dhe ndëshkim, e paralajmëron arbitri Jorgji.

18’ Krosim i rrezikshëm i Mehmetit nga e djathta, provon Preodani me kokë, por nuk ka rrezikon portën kundërshtare.

13’ Prodani merr një top pas shpine, fut një top të rrezikshëm në zonë, por largon Bajrami. Arbitri akordon pozicion jashtë loje.

10’ Shkëputet bukur Mensah në drejtim të portës, por Rami i prish ekuilibrin dhe i rrëmben topin. Gjithçka e rregullt nga mbrojtësi i Kastriotit.

7’ Krosim i rrezikshëm i Uerdi Marës nga e majta, tenton të godasë Mesah dhe Vitija, por nuk ia dalin dot.

3’ Mundësi e mirë për Skënderbeun, që pas një topi të mbetur në hyrje të zonës, provon, por gjuajtja e tij është shumë e lehtë.

Starton sfida!

Related posts

LIVERPOOL PËSOI HUMBJEN E DYTË RADHAZI/ Mbrojtësi Robertson: Bën çfarë deshën me ne. Nuk luftojmë për titullin…

Delo.autor

Tottenham është gati të shesë katër, yjet e ekipit këtë verë

Sadik.Autor

E KRITIKUAN TË GJITHË/ Trajneri italian premton të lërë CIGAREN, por me një kusht

Isa.Autor

Leave a Comment