Vllaznia do ta luajë ndeshjen e kthimit të turit të parë të Europa Konferencë Ligës në “Loro Boriçi”, më 15 korrik, ora 21:00.
Lajm i mirë për tifozët shkodranë është se kjo ndeshje është planifikuar të luhet me praninë e spektatorëve, me një numër të reduktuar, pasi lejohen të hyjnë brenda 30% e kapacitetit të plotë.
Stadiumi “Loro Boriçi” zyrtarisht numëron 15.920 vende, kështu që sipas protokollit dhe rregullave të reja post-COVID, i bie që Vllaznia-Shiroki Brijeg të ketë të pranishëm rreth 5 mijë spektatorë (ekzaktësisht sipas përllogaritjeve i bie 4770 vetë).
Kështu që, klubi prej ditësh ka nisur punën për mbarëvajtjen e këtij takimi me praninë e tifozëve.
