Pas 581 ditësh, Marc Marquez u rikthye te fitorja në MotoGP, duke triumfuar në garën e zhvilluar në pistën gjermane të Sachsenring. Piloti spanjoll i Honda konfirmoi edhe një herë se është një kampion i madh dhe se periudha e vështirë pas 3 operacioneve radhazi në shpatull tashmë është lënë pas krahëve.
“Ky sukses mbetet një nga momentet më të rëndësishme dhe të vështira të karrierës time. Kjo pistë dhe kjo garë janë të rëndësishme për mua, pasi kam fituar gjithnjë dhe ia dola mbanë të jem sërish i pari. Kam qarë shumë pas triumfit, pasi nuk e besoja se do t’ia dilja mbanë pas një periudhe të vështirë”, tha Marquez.
