Një surprizë e vërtet vjen nga merkatoja teksa transferimi i sulmuesit Memfis Depai tek Barcelona ishte vetëm formalitet, Interi ka hyrë në garë seriozisht dhe mund të afrojë holandezin në skuadër më shpejt se çmendohej.
Zikaltrit përveç Hakimit i cili mund të përfundojë tek PSG-ja apo Çelsi mund të sakrifikojnë dhe Lautaro Martinez. Atletiko Madrid e ka bërë tashmë një ofertë zyrtare prej 60 milion eurosh, por që është refuzuar nga Marota pasi vlera e kartonit të sulmuesit argjentinas shkon në 80 milionë euro.
Me shumë mundësi Simeone do të këmbëngulë deri në momentin e fundit për bashkatdhetarin e tij, aq sa Interi ka filluar të gjejë zëvendësuesin.
Zikaltrit janë vënë pas Depai të cilit i skadon kontrata me Lionin këtë verë dhe do të bashkohej me Interin me parametra zero.
Me shitje e Lautaros dhe Hakimit dhe me afrimin e Depai me kosot zero, Interi do të krijonte financa të shëndosha për të menaxhuar krizën financiare dhe borxhin e madh ekonomik që kanë aktualisht zikaltrit.