Tërbuni u ngjit në Kategorinë e Parë duke realizuar misionin që skuadra pati që në start të kampionatit.
Pukjanët mposhtën me penallti Flamurtarin në finalen e “Play-Out” duke u rikthyer në Kategorinë e Parë pas një sezoni mungesë.
Festa e Tërbunit ishte e madhe aq sa në rrjetin social “Facebook”, skuadra pukjane ka ndarë momente nga festa e stafit dhe lojtarëve për ngjitjen një kategori më sipër.
Klubi është mbledhur në një lokal dhe festojnë dukë kërcyer nën ritmin e muzikës. Ndërkohë kryebashkiaku i Pukës, Gjon Gjonaj ka premtuar dhe afrime në këtë merkato duke hedhur sytë nga Superiorja për sezonin tjetër, por do të jetë një mision shumë i vështirë për pukjanët.