Malik Scott, trajneri i ri i boksierit amerikan Deontay Wilder u shpreh se sfida e 24 korrikut ndaj Tyson Fury do të mbyllet shumë herët. Ai parashikon një fitore të lehtë të Wilder dhe deklaron se “nxënësi” i tij do të rimarrë titullin kampion bote në peshën e rëndë.
“Deontay kërkon ta fshijë përgjithnjë emrin e Tyson Fury. unë po e stërvitur Deontay që të jetë sërish kampion bote në peshën e rëndë. Po punojmë që të harrojë të shkuarën, duke menduar për rikthimin si kampion. Ai ka ende forcën e dikurshme”, tha Malik Scott.
“Me atë forcë që kam parë në stërvitjen, Deontay do ta mposhtë shumë shpejt Fury. Nuk besoj se britaniku do t’i kalojë 5 raundet. Kemi bërë disa ndryshime në përgatitjen e kësaj sfide dhe do të shihni një boksier të rilindur”, u shpreh Scott.
